+7 (727) 344 95 95
Толық ҰБТ тапсыру
Қазақша

iTest қолданбасын жүктеп алу

Мектеп емтихандарына ыңғайлырақ форматта дайындалыңыз

logo-device logotype logotype-float

17-мәтін
Алдыңғы конспект Келесі конспект
Конспект

Бозша торғай

Ерте тұрған Омар атай үй сыртындағы бақшаны аралап келе жатты. Түнi бойы жаңбыр жауған. Жер саз. Омар атай бiр топ жусанның ығында бүрiсiп отырған кiшкентай құсты көрдi. Ұшуға жарап қалған бозторғайдың балапаны. Тұмсығының жиектерi сап-сары. Өзiне жаңбыр өткен. Екi қанаты салбырап, дiр-дiретедi.

Балапан Омар атайға жасқана қарады. Қорқып кеттi. Салбыраған қанатын жиюға шамасы келмей, сүйреткен бойы бiр түп жусанды сырт айнала бердi. Бiрақ жүгiрiп кете алмады. Жығылып қалды. Омар атай бозша торғайды жерден көтерiп алды. Алақанына қойып аз ғана уақыт қызықтай қарады. Әрi тоңған, әрi қорыққан кiшкене құс қалшылдап тұр.

Омар атай бозша торғайды үйiне әкелiп, күн сәулесi түсiп тұрған терезе жақтауына отырғызды. Алдына ыдысқа салып жем әкеп қойды. Бозша торғай жем жемедi. Омар атайға жалт-жалт қарай бердi. Омар атай оның сырын сезiп, жымиып қана күлдi де, тысқа шығып кеттi. Сәлден кейiн терезеден сығалап қарап едi, кiшкене құс жемдi терiп жеп жатырекен. Үстi де құрғап, кеуiптi. Бозша торғай ыдыстың ернеуiне ұшып қонды.

– Ә, әлденiп алдың ба? Өзiңе дос екенiмдi бiлген шығарсың? – деп қойды атай. Омар атай ептеп келiп терезенi ашты.

Бозша торғай ыдыстың ернеуiне қонды. Көтерiлiп барды да, әуеде қалықтап тұрып әндете бастады.



Сұрақтар

  1. Оқиғаның болған орны

  2. Кішкентай құстың жасырынған жері

  3. Бозша торғайдың жем жемей, Омар атайға жалт-жалт қарай беру себебі

Қате туралы хабарландыру