+7 (727) 344 95 95
Толық ҰБТ тапсыру
Қазақша

iTest қолданбасын жүктеп алу

Мектеп емтихандарына ыңғайлырақ форматта дайындалыңыз

logo-device logotype logotype-float

21-мәтін (2019 жыл)
Алдыңғы конспект Келесі конспект
Конспект

1. Отбасындағы ұл тәрбиесінде әке мен аталардың рөлі ерекше. Әке – отбасы мүшелерінің тірегі, асыраушысы, қамқоршысы. Ата-бабаларымыз балалар тәрбиесіне үлкен мән берген. Әкенің мінез-кұлқы, өзгелермен қарым-қатынасы, өнері, білімі  – ұл баланың көз алдындағы үлгі-өнеге алатын нысаны. Қазақта біреудің баласы жақсы, өнегелі азамат болса: «Оның әкесі немесе атасы жаксы кісі еді, өнегелі жерден шыққан ғой», – деп мадақтайтыны сондықтан. «Әкеге қарап ұл өседі, шешеге қарап қыз өседі», «Әке – бәйтерек, бала – жапырақ», «Ата – балаға сыншы» деген мақалдар осыны растайды.

2. Ертеректегі ұлттық тәрбие қазақ халқында нақышты деңгейде қалыптасқан, бала тәрбиесіне бүкіл ауылдың үлкендері, әсіресе қарттары араласқан. Үлкендер балаларының өрескел мінез-кұлықтарын көрсе ұрсып, зекіп, тыйым салуға, ақыл айтуға құқылы болған. Осындай ұлттық тәрбие арқылы отбасында жақсы тәлім-тәрбие алған азамат ертеңгі кезде ұлттың тағдырын ойлайтыны анық.

3. Қазақ халқы бала тәрбиесіне, оның ішінде қыз баланың тәрбиесіне ерекше мән бергені баршамызға мәлім. Кез келген ата-ана қызының ертең барған жерінде тастай батып, судай сіңіп кетуін, жақсы жар, әдепті келін, аяулы ана болуын армандайды.

4. Еліміздің болашағы бала тәрбиесінде отбасылық құндылықтарды, ұлттық тәлім-тәрбиені дұрыс насихаттаумен тығыз байланысты.



Сұрақтар

  1. Бірінші азатжолдағы негізгі ой

  2. Мәтін бойынша қазақ халқының қыз баланы тәрбиелеудегі басты мақсаты

  3. Төменгі тұжырымдардың қайсысы дұрыс?

    1. Жеке бала тәрбиесі ұлт болашағына әсер етеді.

    2. Қазақта өрескел мінез-кұлық көрген қария тыйым салуға, ақыл айтуға құқылы болған.

    3. Ұлттық тәрбие – отбасылық құндылықтардың бастауы.

  4. Қыз бала тәрбиесіне қатысты пікір қай бөлімде сөз болады?

Қате туралы хабарландыру