Толық ҰБТ тапсыру
Қазақша

Жаңалықтар

ҚР Білім және ғылым министрі Асхат Аймағамбетов өзін-өзі басқару ұйымдарының көшбасшыларымен кездесті
«Білім-инновация» лицейінде оқитын мектеп оқушылары, өзін-өзі басқару ұйымдарының көшбасшыларымен кездестім.   Еліміздің әр аймағында білім алып жатқан оқушылармен қызықты әрі мазмұнды әңгіме өрбіді. Өз кезегінде, оқушылардың белсенділігі қуантып, олардың қойған сұрақтарына жауап бердім.   Балалар SAT, Ұлттық бірыңғай тестілеу, пәндік олимпиадаларға дайындық мәселелері бойынша қызығушылық танытты. Сонымен бірге буллинг мәселесі, жоғары білім беру жүйесіндегі өзгерістер, «Оқуға құштар мектеп», «Дебат», «Өзін-өзі басқару» жобаларының жүзеге асырылуы және басқа да мәселелер туралы әңгімелестік.   Қазіргі таңда мектепте өзін-өзі басқаруды дамыту жөніндегі жобамыздың аясында білім беру ұйымында мектеп парламенттері құрылып жатыр.   Парламенттер жұмысының шеңберінде әріптестерім өз тәжірибелерімен бөлісіп, бастамаға қолдау көрсетеді деп үміттенемін. Бұл балалардың ой-өрістерін кеңейтіп, олар өз пікірлерін ашық білдіруі әрі мүдделерін қорғай алуы үшін жасалып жатқан бастама.   Кездесу барысында балалардың оқуға деген құлшынысы мен белсенділігін, түрлі тақырыптарға деген асқан қызығушылығын байқадым. Оқушыларымыз болашақта биік шыңдарды бағындыратынына, сондай-ақ еліміздің дамуына елеулі үлес қосатынына сенімдімін.   https://www.facebook.com/1120704037/posts/10219249642008102/?d=n 
Бастапқы дереккөзге сілтеме: ҚР БжҒМ