АЙТЫЛДЫ:
Балаларға спорттық секциялар мен шығармашылық үйірмелерге тегін қатысуға мүмкіндік беру. (Қазақстан Республикасы Президентінің «Әділетті Қазақстан: бәріміз және әрқайсымыз үшін. Қазір және әрдайым» сайлауалды бағдарламасынан)ОРЫНДАЛДЫ:Қосымша білім беру 3 бағытта жүзеге асырылады: мектептен тыс ұйымдар, мектеп үйірмелері және спорт секциялары, оның ішінде, мемлекеттік білім беру, спорт және шығармашылық тапсырыстар қарастырылған. Балалардың үйірмелер мен секцияларға қатысуының қайталануын болдырмау үшін ОАМ мен МАМ-нің нормативтік құқықтық актілеріне өзгерістер енгізілді.
ҰБДҚ мәліметтері бойынша қосымша біліммен қамту - 81,1% (3 млн білім алушы), оның ішінде 1734 мектептен тыс білім беру ұйымдарында – 29,6% (1,1 млн. бала), мектеп үйірмелерінде – 34,6% (1,3 млн. бала) және мемлекеттік тапсырыс арқылы – 15,8% (587 мың бала) қамтылған.
