Жыл басынан бері 60 мыңнан астам педагог біліктілігін арттырды
ҚР Оқу-ағарту министрлігі «Өрлеу» біліктілікті арттыру ұлттық орталығы педагогтердің үздіксіз кәсіби дамуын қамтамасыз ету мақсатында жүйелі жұмыс жүргізіп келеді. 2025 жылдың басынан бері еліміз бойынша 63 208 педагогке арналған курс ұйымдастырылды. Оның ішінде ауыл мектептері мұғалімдерінің үлесі айтарлықтай басым - 55%.
Бағдарламалар бастауыш сынып, қоғамдық-гуманитарлық және жаратылыстану-математикалық бағыттағы пән мұғалімдерін қамтиды. Сондай-ақ, педагогтер инклюзивті білім беру, көшбасшылық, инновациялар мен цифрлық құзыреттілік бағыттары бойынша да біліктілігін арттыруда.
