+7 (727) 344 95 95
Толық ҰБТ тапсыру
Қазақша

iTest қолданбасын жүктеп алу

Мектеп емтихандарына ыңғайлырақ форматта дайындалыңыз

logo-device logotype logotype-float

Мәтіндік тапсырмаларды шешу
Алдыңғы конспект Келесі конспект


Сұрақтар

  1. Ойланған санның оң жағына 9 санын жазып, содан шыққан санға алғашқы санды екі еселеп қоссақ, 225 шығады. Ойланған санды табыңыз.

  2. Жанардың және оның жанұясындағы 4 адамның жастарының қосындысы 3 жылдан кейін 154 болады. 6 жылдан кейін олардың жастарының қосындысы қанша болады?

  3. Екі таңбалы натурал санның цифрларының көбейтіндісі 15-ке, ал осы цифрларының квадратының қосындысы 34-ке тең. Осы санға цифрларының орнын ауыстырғанда шыққан санның қосындысын табыңыз.

  4. 3 бүтін оң сан берілген. Үшінші сан біріншіден қанша үлкен болса, бірінші сан екіншіден соншалықты үлкен. Сандардың дұрыс орналасуын көрсет.

  5. Алдар көсе бір байдың үйіне жұмысқа жалданады. Бір жыл жұмыс істегені үшін 1 жылқы және 10 000 теңге алуы керек болатын. Бірақ ол 7 айдан кейін жұмыс істегісі келмей, жұмыстан шығып, өзімен 1 жылқы және 2 000 теңге алып кетеді. 1 жылқының құны қанша екенін табыңыз.

  6. Әмина 3 жаста, оның әпкесі Назеркенің жасы одан 4 есе үлкен. Назеркенің жасы Әминадан 2 есе үлкен болған кезде Әминаның қанша жасқа толатынын табыңыз.

  7. Санжар, Айбол және Cерікте барлығы 150 кітап бар. Санжар Айболға 9, ал Cерікке 24 кітап берсе, онда үшеуінде кітап саны бірдей болады. Cерікте алғашқыда неше кітап болғанын табыңыз.

  8. Жүгіруге 31 спортшы қатысты. Арманнан озып келген спортшылар саны одан кеш келген спортшылар санынан 5 есе аз. Арман нешінші орынды иеленгенін табыңыз.

  9. Амангелді 110 беттен тұратын кітапты 14 күн оқыды. Ол бірнеше күн күніне кітаптың 5 бетін, ал қалған күндері күніне кітаптың 13 бетін оқыды. Амангелді неше күн күніне кітаптың 5 бетін оқығанын табыңыз.

  10. Үсен атаның 6 ұлы бар, олардың әрқайсысының 6 ұлы бар, ал Үсен атаның әрбір немересінің 3 баласы бар. Атаның неше шөбересі бар?

  11. Әмір дүйсенбі күні таңертең жүгіруді 1 км-ден бастады. Ол әр күн сайын алдыңғы күнге қарағанда 255 метр артық жүгіріп отырса, онда жексенбі күні неше метр жүгіретінін анықтаңыз.

  12. Шешесі 46 жасқа келгенде үлкен қызы 17, ортаншысы 11, кенжесіне 4 жас толды. Қанша уақыттан кейін шешесінің жасы үш қызының жасының қосындысына тең болады?

Қате туралы хабарландыру