+7 (727) 344 95 95
Сдать пробный ЕНТ
Русский

Скачай приложение iTest

Готовься к школьным экзаменам в более удобном формате

logo-device logotype logotype-float

Новости

  • Главная
  • Новости
  • Қазақстандық мектеп оқушылары дүниежүзілік гимназиадада 85 медаль жеңіп алды. Дүниежүзілік гимназиада қорытындысы бойынша еліміз үздік үштікке енді
Қазақстандық мектеп оқушылары дүниежүзілік гимназиадада 85 медаль жеңіп алды. Дүниежүзілік гимназиада қорытындысы бойынша еліміз үздік үштікке енді
МОН РК МОН РК
23.05.2022
Оқушыларымыз Дүниежүзілік гимназиадада 85 медаль жеңіп алды. Оның ішінде 32 алтын, 32 күміс және 21 қола.   Еліміздің құрамасы 3-орынға тұрақтап, үздік үштікке енді. Турнир кестесінде алтын және күміс медальдар саны бойынша Қазақстан 3-орында, ал қола медаль саны бойынша 5-орында.   Оқушылар таеквондо, жүзу, жеңіл атлетика, дзюдо, еркін күрес, семсерлесу, көркем гимнастика, спорттық гимнастика, садақ ату, бокс, грек-рим күресі, әйелдер күресі және регби сияқты спорт түрлерінен жүлделі орындарға ие болды.   Сонымен бірге ұлттық құраманың басшылығы қатысушыларға тағы 2 алтын медальды қайтарып беру үшін апелляция берді. Оқушылар арасындағы Дүниежүзілік спорттық олимпиада Францияның Нормандия қаласында өткен болатын.   Балаларымыз Гимназиадаға алғаш рет қатысса да, ел намысын лайықты дәрежеде қорғап, жоғары нәтижелер көрсете білді. Олар әлемнің 70 елінен келген 3,5 мың оқушымен бақ сынасты.   Оқушыларымызды әлемдік олимпиададағы жеңістерімен және жоғары жетістіктерімен құттықтаймын. Әрине, бұл жүлделер – дайындықтың, табандылықтың, еңбектің, тәртіп пен талпыныстың жемісі. Әуежайда сіздерге үлкен үміт артып, шығарып салған едік және сіздер оны ақтай білдіңіздер.   Ұстаздарыңызға, жаттықтырушыларыңыз бен ата-аналарыңызға алғыс айтамын.   Білім және ғылым министрлігі оқушылар арасында зияткерлік және спорттық олимпиадаларды дамыту жұмыстарын жалғастырады.   https://www.facebook.com/askhat.aimagambetov/posts/pfbid02CreNprhfQhVcmXbiPFMJhA4vFAYWXaoJhbc3QujJnYTArRfP3ZaxFs6USBRVkFWyl 
Ссылка на источник: МОН РК