ҚР Оқу-ағарту министрлігі Цифрландыру және мемлекеттік қызмет көрсетуді автоматтандыру департаментінің директоры болып Нұрлан Нұрсұлтан тағайындалды.
Нұрлан Нұрсұлтан 1991 жылы 16 қаңтарда Оңтүстік Қазақстан облысында дүниеге келген.
2012 жылы М. Әуезов атындағы Оңтүстік Қазақстан мемлекеттік университетінде бакалавриат, 2014 жылы — магистратура, 2022 жылы — «University of Manchester» университетін «Мемлекеттік саясат. Жергілікті және мемлекеттік басқару. Халықаралық қатынастар. Саясаттану» мамандығы бойынша бітірген.
Еңбек жолын 2013-2014 жж. «Мирас» университетінде диспетчер болып бастаған.
2015-2016 жж. Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Батыс Қазақстан облысы бойынша департаментінің бас маманы болып жұмыс істеді.
2016-2018 жж. — Орал қаласы әкімі аппаратының Ақпараттық талдау жұмыстары және халықаралық ынтымақтастық бөлімінің басшысы.
2018-2022 жж. — Батыс Қазақстан облысының ақпараттандыру мемлекеттік көрсетілетін қызметтер және архивтер басқармасының басшының орынбасары, басшысы.
2022 жылдан бастап қазіргі уақытқа дейін Батыс Қазақстан облысының цифрлық технологиялар басқармасының басшысы қызметін атқарды.
2024 жылғы 17 шілдеден бастап Қазақстан Республикасы Оқу-ағарту министрлігі Цифрландыру және мемлекеттік қызметтерді автоматтандыру департаментінің директоры лауазымына тағайындалды.
