Өткізу уақыты: 22.02.2021 – 22.07.2021

Барлық қатысушылар үшін Байқауға қатысу ТЕГІН!

Бас жүлделер:

1. ҚР ең үздік жоғарғы оқу орындарында оқудың барлық кезеңіне 100% жеңілдігі бар грант.

Байқаудың онлайн кезеңіндегі жалпы рейтинг бойынша үздік 100 жеңімпазға кепілді жүлде.

Мазмұны:

1. Байқаудың жалпы ережелер

2. Байқаудың мақсаты және негізгі принциптері

3. Байқауға қатысушылар

4. Байқаудың басталу және аяқталу мерзімі

5. Байқауды өткізу тәртібі

6. Жеңімпаздарды анықтау

7. Жеңімпаздарды марапаттау

8. Байқаудың ұйымдастырушылары мен демеушілері

1) Байқаудың жалпы ережелері:

1. Атауы – «iTest: Үздік нәтиже-2021» байқауы, (ары қарай – Байқау).

2. Байқау Қазақстан Республикасының барлық аумағында өтеді.

3. Байқау екі кезеңге бөлінген:

3.1. “iTest: Үздік нәтиже-2021» байқауынның онлайн кезеңі: демеуші мен ұйымдастырушылардан кепілді сыйлықтар алатын ең үздік 100 қатысушыны анықтайды. Байқаудың онлайн кезеңі itest.kz платформасында 2021 ж. 22 ақпанынан 19 маусымға дейін ғаламтор желісі арқылы өтеді.

3.2. Байқаудың офлайн кезеңі: 2021 жылдың 7–22 шілде аралығында өтеді. Байқаудың ең үздік 100 жеңімпазы қатарына кірген, ресми ҰБТ-да 70 және одан жоғары балл алған тек 11-сынып оқушылары бас жүлде – еліміздің ең үздік ЖОО ұсынған кез келген мамандыққа оқудың барлық кезеңіне 100% жеңілдігі бар оқу грантын жеңіп алу үшін арнайы емтихан тапсырады.

3.3. Грантты сарапқа салу офлайн форматында ЖОО базасында емтихан түрінде өтеді.

3.4. Ең үздік ТОП-100-ге кіретін 11-сынып оқушылары, грантты сарапқа салуға қатысуға мүмкіндігі жоқ болса, онлайн кезеңнің шарттары бойынша кепілді жүлдені пошта арқылы ала алады.

2) Байқаудың мақсаттары:

• Оқушыларды ҰБТ-ға дайындау.

• Оқушыларды ҰБТ тапсыруға ынталандыру.

• Қазақстан мектептерінің бітіруші түлектерін ҰБТ-ға дайындалу барысында АКТ ресурстарын белсенді қолдануға тарту 

3) Байқауға қатысушылар:

• Байқауға қатысуға ҚР-ның 10, 11-сыныптарда оқитын мектеп оқушылары, орта және арнайы білім беретін мекемелер мен жоғары оқу орындарының 1-курс студенттері жіберіледі.

• Байқауға қатысу барлық қатысушылар үшін ТЕГІН.

• Қатысушы itest.kz сайтындағы қатысушы сауалнамасындағы барлық деректердің дұрыс толтырылуына толықтай жауапты. Деректер дұрыс толтырылмаған жағдайда ұйымдастырушылар сауалнаманың күшін жоюға және қатысушының нәтижесін Байқау рейтингінен алып тастауға құқылы.

• Байқауға Ұйымдастырушылармен ортақ үлесі бар тұлғалар жіберілмейді.

4) Байқаудың басталу және аяқталу мерзімдері:

• Байқаудың басталатын күні: 22 ақпан 2021 жыл.

• Байқаудың аяқталатын күні: 22 шілде 2021 жыл.

• Байқау екі басты кезеңнен тұрады – онлайн-кезеңнің нәтижесі бойынша рейтингідегі үздік 100 қатысушы анықталып, бағалы сыйлықтармен марапатталатын болады және офлайн-кезең, анықталған 100 үздік қатысушы оқу гранттарын жеңіп алу мүмкіндігіне ие болады.

• Онлайн-кезең 2021 жылдың 22 ақпанынан 19 маусымға itest.kz платформасында 3 онлайн ҰБТ тапсыру арқылы жүзеге асады.

• Қосымша, әр айдың соңында (ақпан, наурыз, сәуір, мамыр, маусым) Байқаудың онлайн-кезеңінде байқауға қатысушылар арасында кездейсоқ сандар генераторының көмегімен бағалы сыйлықтар ойнатылады. Ойнатылым Instagram әлеуметтік желісіндегі @bilimland.kz аккаунтында тікелей эфирде өткізіледі. 

• Байқаудың офлайн кезеңде гранттарды ойнатуға қатысуға мүмкіндік: онлайн-кезеңінің жалпы рейтинг бойынша үздік 100 қатарына кірген қатысушылар, ресми ҰБТ-да шекті 70 балл (кем дегенде) алған және Қазақстан Республикасы мектептерінің 11-сынып оқушылары болып табылатын қатысушылар мүмкіндік алады.  

5) Байқауды өткізу тәртібі мен форматы:

1. Байқауға қатысу үшін itest.kz сайтына тіркеліп, Байқау Ережелерімен келісетінін растай отырып, қатысушы сауалнамасын толығымен дұрыс толтыру қажет. 
2. Байқаудың онлайн кезеңін өткізу кезінде itest.kz сайтында 3 байқау ҰБТ-сы қолданылады. Яғни, ең жоғарғы балл жинау үшін қатысушыға 3 мүмкіндік беріледі. 3 байқау ҰБТ-ның ең жоғарғы балы рейтингке кіреді. Байқаудың онлайн-кезеңі аяқталған соң (19 маусым 2021 ж.), жалпы рейтинг бойынша үздік 100 қатысушылар бас жүлде - еліміздің ең үздік ЖОО ұсынған кез келген мамандықта оқудың барлық кезеңіне 100% жеңілдігі бар грантты жеңіп алу үшін офлайн кезеңге шақырылады.
3. Жалпы рейтинг барлық 3 байқаулық ҰБТ-ның ішіндегі ең жоғарғы бір ҰБТ-ның нәтижесін көрсетеді. 
4. Байқаудың онлайн кезеңі 2021 жылдың 22 ақпанынан 19 маусымға дейін www.itest.kz платформасында өткізіледі.
5. Сондай-ақ, Байқаудың онлайн кезеңінде әр айдың соңында (ақпан, наурыз, сәуір, мамыр, маусым) байқаудың барлық қатысушылары арасында кездейсоқ сандар генераторының көмегімен бағалы сыйлықтар ойнатылады. Ойнатылым Instagram әлеуметтік желісіндегі @bilimland.kz аккаунтында тікелей эфирде ұйымдастырылады. 
6. Онлайн-кезеңнің қорытындысы бойынша ең үздік 100-ке кірген қатысушылар бағалы сыйлықтармен марапатталады. 
7. Байқаудың офлайн-кезеңі 2021 жылдың 7-22 шілде аралығында өткізіледі. 
8. Бұл кезеңде ресми ҰБТ тапсыру кезінде кем дегенде шекті 70 балл жинаған және тек 11-сынып оқушылары болып табылатын Байқаудың онлайн-кезеңінің қорытындысы бойынша ең үздік 100 рейтингісіне кірген байқауға қатысушылар AlmaU және МУИТ-тің ішкі Байқауына қатысуға шақырылады.
9. Жоғарғы оқу орындарының ішкі Байқауында неғұрлым көп балл жинаған жеңімпаздар бас жүлде - Университеттің “Білім беру гранттары және жеңілдіктері” Ережесінде жазылған (бағалар, GPA) үлгерім талаптарын сақтаған жағдайда барлық кез-келген мамандықтың оқу кезеңіне 100 пайыздық жеңілдік грантын алады. 
10. Жеңімпаз оқу грантынан бас тартқан жағдайда Ұйымдастырушылар комитеті немесе Байқау комиссиясы оқу грантын рейтинг тізімінде келесі тұрған қатысушыға табыстау туралы шешім қабылдай алады.
11. Гранттар барлық мамандықтар мен тіл бөлімдеріне таратылады. Басты анықтаушы фактор – ҰБТ-ның бейінді пәндері мен межелі балдар болады: қатысушы кем дегенде  70 балл жинау қажет, әр пән бойынша жинаған балл саны 5-тен кем болмауы тиіс.

6) Жеңімпаздарды анықтау:

1. Байқаудың онлайн-кезеңіндегі жалпы рейтинг жеңімпаздары 3 сынақтық ҰБТ-ның ішіндегі ең жоғарғы бір ҰБТ-ның нәтижесін көрсетеді.

2. Байқаудың онлайн-кезеңінде (ақпан, наурыз, сәуір, мамыр, маусым) байқаудың барлық қатысушылары арасында кездейсоқ сандар генераторының көмегімен бағалы сыйлықтар ойнатылады. Ойнатылым Instagram әлеуметтік желісіндегі @bilimland.kz аккаунтында тікелей эфирде өтетін болады. 

3. Байқаудың онлайн кезеңінде жалпы рейтингтегі көшбасшылар арасында ең жоғары балл көрсеткіштері бірдей болған жағдайда, ҰБТ-ны өтуге жұмсалған уақыт ескерілетін болады.

4. Бірнеше қатысушының арасында жалпы рейтингтің орташа балының көрсеткіштері сәйкес болған жағдайда, онлайн-кезеңде 3 байқаулық ҰБТ-ны өтуге жұмсаған жалпы уақыттың орташа маңызы ескерілетін болады.

7) Жеңімпаздарды марапаттау:

• Байқаудың онлайн кезеңнің нәтижелері мен онлайн-кезеңінің жалпы рейтингтегі үздік 100 қатысушының тізімі 2021 жылдың 25 маусымда bilimland.kz және itest.kz сайтында  жарияланады.

• Байқаудың онлайн кезеңіндегі үздік 100 жеңімпаз оқу грантының емтиханына яғни офлайн кезеңге қатыса алмайтын болса, байқау ережесіне сәйкес сыйлықтарын пошта арқылы алады. Сыйлықтар байқау нәтижелері анықталғаннан кейін бір айдың көлемінде жіберіледі.

• Байқаудың онлайн кезеңіндегі 100 жеңімпаз, бас жүлденің ұтыс ойынына қатысу үшін Алматы қаласына келулері керек. AlmaU және МУИТ-тің ішкі Байқауының нәтижесі бойынша оқу гранттарына ие болған жеңімпаздар марапатталатын болады. Жолға және жатын орнына кететін қаражатты Байқауға қатысушылардың өздері көтереді.

8) Байқаудың ұйымдастырушылары және демеушілері:

• Байқаудың Бас ұйымдастырушысы – Bilim Media Group компаниясы.

• Бас серіктес – Алматы Менеджмент Университеті (AlmaU).

• Серіктес – Нархоз Университеті. 

• Cеріктес – Каспий Қоғамдық Университеті. 

• Ақпараттық серіктестер – «Хабар Агенттігі» АҚ, «Білімді ел» газеті, bilim-all.kz.