Толық ҰБТ тапсыру
Қазақша
ҰБТ тапсыру

Өткізу уақыты: 01.02.2019 – 21.07.2019

Бас жүлде:

  1. Еліміздің үздік университеттерінде оқу гранты.

  2. Байқаудың жалпы рейтингі бойынша 50 жеңімпазға кепілді жүлде.

Мазмұны:

  1. Байқаудың жалпы ережелері

  2. Байқаудың мақсаттары

  3. Байқауға қатысушылар

  4. Байқаудың басталу және аяқталу кезеңдері

  5. Байқауды өткізу тәртібі

  6. Жеңімпаздарды анықтау

  7. Жеңімпаздарды марапаттау

  8. Байқауды ұйымдастырушылар және демеушілер

 

1) Байқаудың жалпы ережелері:

1. Атауы – «iTest: Үздік нәтиже» байқауы, (ары қарай – Байқау).

2. Байқау Қазақстан Республикасының аумағында өтеді.

3. Байқау екі кезеңге бөлінген:

3.1. «iTest: Ең үздік нәтиже» байқауының онлайн кезеңі: іріктеп алынған ең үздік 50 қатысушы демеушілерден кепілді сыйлықтар алады. Байқаудың онлайн кезеңі itest.kz платформасында, ғаламтор желісі арқылы өтеді.

3.2. «iTest: Ең үздік нәтиже» байқауының офлайн кезеңі: Алматы қаласында өтеді. Байқаудың 50 жеңімпазы қатарына кіретін және ресми ҰБТ-да шекті балл алған 11-сынып оқушылары бас жүлде – еліміздегі үздік университеттерде оқу грантын жеңіп алу мүмкіндігіне ие болады.

3.3. Грантқа талас Алматы қаласында грант ұсынған университеттің ғимаратында емтихан түрінде өтеді.

3.4. Грантқа таласу үшін Алматы қаласына келуге мүмкіндігі жоқ 11-сынып оқушылары онлайн кезеңнің шарттары бойынша кепілді сыйлық алады.

 

2) Байқаудың мақсаттары:

Байқаудың мақсаттары:

  • Цифрлық Қазақстан бағдарламасы аясында оқушылардың білімін көтеру.
  • Оқушыларды ҰБТ емтиханын тапсыруға ынталандыру.

  • Оқушыларды ҰБТ-ға дайындау.

 

3) Байқауға қатысушылар:

  1. Байқауға 9,10,11 сыныпта оқитын мектеп оқушылары, орта және арнайы білім беретін мекемелер мен жоғары оқу орындарының 1 курс студенттері қатыса алады. Байқауға қатысушы Қазақстан Республикасының азаматы болуы шарт.
  2. Байқауға қатысу барлық қатысушылар үшін ТЕГІН.
  3. Itest.kz сайтындағы қатысушы сауалнамасындағы барлық деректердің дұрыс толтырылуына қатысушы толықтай жауапты. Деректер дұрыс толтырылмаған жағдайда ұйымдастырушылар сауалнаманың күшін жоюға және қатысушының нәтижесін Байқау рейтингінен алып тастауға құқылы.
  4. Байқауға Ұйымдастырушылармен ортақ үлесі бар тұлғалар жіберілмейді.

 

4) Байқаудың басталу және аяқталу кезеңдері:

  • Байқаудың басталатын күні: 2019 жылдың 1 ақпаны.
  • Байқаудың аяқталатын күні: 2019 жылдың 20 маусымы.

  • Байқау екі басты кезеңнен тұрады – онлайн кезең, оның нәтижесі бойынша рейтингідегі үздік 50 қатысушы марапатталады және офлайн кезең, онда оқу грантын жеңіп алу үшін ұтыс ойыны қарастырылған.

  • Онлайн кезеңде жүлде алатын Байқау көшбасшыларын марапаттаудың 3 мерзімі қарастырылған. Аралық кезең жеңімпаздарын марапаттау келесі мерзімдерде жүргізіледі:

  • - Бірінші мерзім (1 ақпан мен 20 наурыз аралығында – 1 жеңімпаз);

    - Екінші мерзім (21 наурыз бен 20 мамыр аралығында – 1 жеңімпаз);

    - Үшінші мерзім (21 мамыр мен 20 маусым аралығында – 1 жеңімпаз).

  • «iTest: Үздік нәтиже» Байқау рейтингінің 50 жеңімпазы қатарына кіретін және ресми ҰБТ-да шекті балл алған Қазақстан Республикасы мектептерінің 11-сынып оқушылары үздік университеттердің бірінде оқу грантының ұтыс ойыны байқауына қатысуға мүмкіндік алады.

 

5) Байқауды өткізу тәртібі:

1. Байқауға қатысу үшін қатысушы itest.kz сайтына тіркелуі, Байқау Ережелерімен келісетінін мақұлдауы және қатысушы сауалнамасын толтыруы тиіс.

2. Байқауды өткізу барысында ҰБТ-ның екі түрі қолданылады – Сынақ ҰБТ және Байқау ҰБТ.

2.1. Сынақ ҰБТ-ға Байқаудың барлық қатысушысы жіберіледі. Ол дайындық үшін және Байқау ҰБТ-ға қолжетімділікті қамтамасыз ету мақсатында қолданылады; Сынақ ҰБТ-ның нәтижесі Байқау рейтингінде ескерілмейді.

2.2. Байқау ҰБТ – нәтижесі Байқау рейтингінде ескерілетін тестілеу. Қатысушы тек 3 рет Байқау ҰБТ-ны тапсыра алады.

2.3. Әр 5-Сынақ ҰБТ-дан кейін қатысушы бір Байқау ҰБТ-ны тапсыруға мүмкіндік алады.

2.4. Байқау ҰБТ-ны әр 5-сынақтан кейін тапсыру міндетті емес, Байқау ҰБТ-ның нәтижесі қорытынды рейтингіде көрінеді. Қатысушыға Сынақ ҰБТ-ны тапсыруға шексіз мүмкіндік берілген.

 

3. Байқаудың онлайн кезеңі 01.02.19 – 20.06.19 аралығында өткізіледі, жалпы қатысушылар рейтингі мен аралық жеңімпаздарды анықтау мерзімдері бар.

3.1. Жалпы рейтинг барлық 3 Байқау ҰБТ-ны тапсыру нәтижесін көрсетеді.

3.2. Барлығы үш аралық мерзім белгіленген:

  • Бірінші мерзім (1 ақпан мен 20 наурыз аралығында) – №1 Байқау ҰБТ-ның нәтижесі ескеріледі;

  • Екінші мерзім (21 наурыз бен 20 мамыр аралығында) – №2 Байқау ҰБТ-ның нәтижесі ескеріледі;

  • Үшінші мерзім (21 мамыр мен 20 маусым аралығында) – №3 Байқау ҰБТ-ның нәтижесі ескеріледі. Әр мерзімнің көшбасшылары сыйлықтармен марапатталады.

3.3. Әр мерзімнің жеңімпаздарын анықтау Байқау ҰБТ-ның сәйкес мерзімі нәтижесіне сай жүргізіледі: Бірінші мерзім – №1 Байқау ҰБТ, Екінші мерзім – №2 Байқау ҰБТ және т.с.с.

3.4. Байқау рейтингінің 50 жеңімпазы қатарына кіретін қатысушылар демеушілердің арнайы сыйлықтарымен марапатталады.

 

4. Байқаудың офлайн кезеңі Алматы қаласында 05.07.19 – 15.07.19 аралығында, Алматы қаласында өткізіледі.

4.1. Бұл кезеңде Байқаудың 50 жеңімпазы қатарына кіретін, мемлекеттік ҰБТ тапсыру нәтижесі бойынша шекті балл алған және 11-сынып оқушысы болып табылатын қатысушылар университеттің ішкі Байқауына қатысады.

4.2. Ішкі Байқаудың жеңімпазы бас жүлдені, яғни еліміздің үздік оқу орындарының бірінде оқу грантын жеңіп алады.

 

6) Жеңімпаздарды анықтау:

  1. Байқаудың жалпы рейтингінің жеңімпаздары 3 Байқау ҰБТ-ның орташа балының нәтижесі бойынша анықталады.
  2. Әр мерзімнің жеңімпаздарын анықтау Байқау ҰБТ-ның сәйкес мерзімі нәтижесіне сай жүргізіледі: Бірінші мерзім – №1 Байқау ҰБТ-ның, Екінші мерзім – №2 Байқау ҰБТ-ның және т.с.с.
  3. Әр мерзім жүлдесінің ұтыс ойынына қатысу үшін осы мерзім аяқталғанша сәйкес Байқау ҰБТ-ны өту қажет.
  4. Байқаудың сәйкес мерзімінде рейтингінің алғашқы 3 орынын алған қатысушылар жүлделермен марапатталады.
  5. Байқаудың көрсетілген мерзімдерінде көшбасшылар арасында ең жоғары балл көрсеткіштері бірдей болған жағдайда, сәйкес мерзімде Байқау ҰБТ-ны өтуге кеткен уақыт та ескерілетін болады.
  6. Бірнеше қатысушы арасында жалпы рейтингінің орташа балының көрсеткіштері бірдей болған жағдайда, жалпы үш Байқау ҰБТ-ны тапсыруға кеткен орташа уақыт ескеріледі.

 

7) Жеңімпаздарды марапаттау:

  • Сәйкес мерзім рейтингінің алғашқы 3 қатысушысы жүлделермен марапатталады.
  • Байқау Мерзімдері бойынша рейтингінің басында тұрған көшбасшыларды марапаттау әр мерзім аяқталғанда жүргізілетін болады.

  • Байқаудың нәтижелері мен онлайн кезеңнің жалпы рейтингінің жеңімпаздары bilimland.kz сайтында 2019 жылдың 21 маусымында жарияланады.

  • Байқау шарттары бойынша оқу грантының ұтысына немесе Байқаудың екінші кезеңіне қатыса алмайтын онлайн кезеңнің жеңімпаздарына берілетін сыйлық поштамен жіберіледі. Сыйлықтарды табыстау Байқау нәтижелері анықталғаннан кейінгі 1 ай ішінде жүзеге асырылады.

  • Ресми ҰБТ-да шекті балл алған Байқаудың онлайн кезеңінің жеңімпаздары бас жүлденің ұтыс ойынына қатысу үшін Алматы қаласына келулері керек. Грант ұсынып отырған оқу орынның ішкі Байқауының нәтижесі бойынша оқу грантын жеңіп алған жеңімпаз марапатталатын болады. Жолға және жатын орнына кететін қаражатты Байқау қатысушыларының өздері көтереді.

 

8) Байқауды ұйымдастырушылар және демеушілер:

  • Байқаудың Бас ұйымдастырушысы әрі демеушісі – Bilim Media Group компаниясы.

Орын Аты-жөні Балл Уақыт Қала
1 Архарбеков Аяз 120 03:21:25 Түркістан облысы
2 mektep192.23 120 02:48:27 Қызылорда облысы
3 Келесбай Райымбек 114 01:49:41 Түркістан облысы
4 Абеуова Ильсияра 113 01:53:11 Қарағанды облысы
5 Мұратова Асылзада 113 03:09:33 Маңғыстау облысы
6 Ибраимов Айдар 112 02:41:12 Ақмола облысы
7 Оразбаева Булгын 111 02:43:58 Алматы облысы
8 Эрмахан Нұршат 108 03:24:13 Түркістан облысы
9 Тайшиков Марат 107 02:02:38 Қостанай облысы
10 Артықбаева Асия 107 02:00:13 Қызылорда облысы
11 Абдекеева Арайлым 104 02:08:21 Алматы
12 Мансуров Расул 104 02:06:08 Шығыс Қазақстан облысы
13 Жанатаев Диас 103 01:59:17 Қостанай облысы
14 123456 Шолпан 103 00:51:13 Қызылорда облысы
15 Тағыбергенов Бимұрат 102 02:00:30 Қызылорда облысы
16 Шакен Бекболат 101 01:07:39 Жамбыл облысы
17 Махмудова Насиба 100 03:18:21 Шымкент
18 Эшанкулова Калдикиз 100 02:35:54 Түркістан облысы
19 Оразалыев Нұрсұлтан 100 02:39:38 Маңғыстау облысы
20 Елеусинова Мирамкул 100 02:30:44 Қызылорда облысы
21 Карамадинова Асемай 99 02:15:08 Маңғыстау облысы
22 Курганбеков Ержан 99 02:47:57 Қостанай облысы
23 Ниязова Умида 97 03:18:21 Шымкент
24 95 01:25:11 Түркістан облысы
25 Бәкір Аружан 95 02:12:03 Қызылорда облысы
26 95 01:18:37 Қызылорда облысы
27 94 01:48:39 Түркістан облысы
28 Әлімғазыұлы Нұрқанат 94 03:50:11 Шығыс Қазақстан облысы
29 94 02:50:55 Батыс Қазақстан облысы
30 Мехманова Юлдуз 94 02:57:02 Шымкент

Bilim Media Group – Қазақстандағы электронды оқыту нарығын дамытушы инновациялық компания. Біз білім беруге қажетті контентті жасаумен және соған қатысты технологиялар мен қызметтерді таратумен айналысамыз. Бұл қызметтерді тұтынушылар арасында мемлекеттік мекемелер, ірі IT- компаниялармен, медиақұрылымдар, елдегі жетекші оқу орындары бар. Дегенмен де бәрінен де бізге мұғалімдердің, оқушылар мен ата-аналардың ықыласы қымбат, біздің жұмыс сіздерге арналады.   толығырақ

Алматы Менеджмент Университеті – әлемдік деңгейдегі әлеуметтік жауапкершілігі мол кәсіпкерлік университет. Білім беру нарығында 30 жыл жұмыс істеп келе жатқан еліміздегі жеке меншік жоғары оқу орны, Қазақстан Республикасындағы 1-ші бизнес-университет, ТМД-да бизнес білім берудің пионері. Университет –қазақстандық алғашқы кәсіпкерлерді менеджмент мамандығына дайындап, ҚР-да бірінші рет МВА және DBA бағдарламалары оқыта бастады. Университетте алдыңғы қатарлы оқытушылар жұмыс істеп, ең үздік түлектер дайындалады.   толығырақ

Қазақстан Республикасының Білім және ғылым министрлігі.  толығырақ

«Хабар Агенттігі» АҚ – қазақ, орыс және ағылшын тілдерінде хабар тарататын төрт арнаның тоғысқан орталығы. «Хабар» Агенттігі» АҚ-ның құрамына республикалық «Хабар» мен «Хабар 24», «Kazakh TV», «ЕЛ АРНА» телеарналары кіреді. Эфирдің 70% телеарнаның төл туындыларынан құралады, яғни телеарнада түсірілетін бағдарламалар, фильмдер мен телехикаялар. Көрсетілімдердегі бағдарламалардың 90% әлеуметтік маңызды тақырыптарды қамтиды. Тәуліктік хабар таратудың 55% мемлекеттік тілде жүзеге асырылады.   толығырақ

BariBar.kz – мультимедиялық контент дайындайтын, көп салалы сайт. Мұнда өзекті сұрақтарға жауап табуға болатын, жүйеленген “Сұрақ-Жауап” платформасы бар.   толығырақ

«Kүнделік (Kundelik)» ЖШС – қазақстандық АТ-компаниясы, білім беру басқару мекемелердің өкілдеріне, сондай-ақ мұғалімдерге, оқушыларға, ата-аналарға, білім беру ұйымдарының әкімшілеріне бірыңғай электрондық білім беру аймағының әзірлеушісі.   толығырақ

BilimdiEl.kz – газет сан салалы тақырыптарға сөз қозғайды. Білім беру мекемелері мен ЖОО, колледж, мектеп, балабақша қызметкерлеріне, ата-аналар қауымдастығына, студенттер мен оқушыларға, жалпы білім саласына бейжай қарамайтын адамдарға пайдалы контент жинақталған. Басылымның мақсаты - ғылыми ой, педагогикалық еңбек пен білім саласындағы алдыңғы қатарлы тәжірибені дәріптеу.   толығырақ

iTest дегеніміз не?
iTest бұл – қорытынды аттестаттау, Ұлттық бірыңғай тестілеу (ҰБТ) және Кешенді тестілеуге (КТ) дайындалуға көмектесетін бірегей платформа. iTest-тің көмегімен белгілі бір пән және тақырып бойынша тестіден өтуге, қатемен жұмыс жасауға және қайталауды қажет ететін тақырыпқа қайта оралуға болады.
«iTest: Үздік нәтиже» байқауы туралы Байқауға қалай қатысуға болады?
Байқауға қатысу үшін ең алдымен байқау Ережелерімен мұқият танысып шыққаныңыз абзал. Егер байқау шарттарымен келіссеңіз және ондағы талаптарға сай болсаңыз, онда itest.kz сайтындағы қатысушыларға арналған сауалнаманы толтыру қажет.
Байқауға кімдер қатыса алады?
Байқауға 9,10,11 сыныпта оқитын мектеп оқушылары, орта және арнайы білім беретін мекемелер мен жоғары оқу орындарының 1 курс студенттері қатыса алады. Сондай-ақ байқауға қатысушы міндетті түрде Қазақстан Республикасының азаматы болуы шарт.
Байқау неше кезеңнен тұрады?
«iTest: Үздік нәтиже» байқауы екі кезеңнен тұрады: онлайн және офлайн. Онлайн кезең itest.kz сайтында, тестілеу түрінде өтеді. Офлайн кезеңге онлайн кезеңінің жеңімпаздары қатысады.
«Мерзім» дегеніміз не?
«iTest: Үздік нәтиже» байқауының онлайн кезеңінде рейтингі жоғары қатысушылар марапатталады және 3 мерзімге бөлінген: - Бірінші мерзім (1 ақпан – 20 наурыз аралығы); - Екінші мерзім (21 наурыз – 20 мамыр аралығы); - Үшінші мерзім (21 мамыр – 20 маусым аралығы).
«Сынақ ҰБТ» дегеніміз не?
Сынақ ҰБТ – уақыт шектеулігі мен бірыңғай тестілеуге сәйкес талаптары бар нағыз ҰБТ жаттықтырғышы. Қатысушы ҰБТ тестілеуін қанша рет тапсырса да өз еркінде. 5 рет сынақ ҰБТ тапсырғаннан кейін қатысушыға Байқау ҰБТ тапсыруға мүмкіндік беріледі.
«Байқау ҰБТ» дегеніміз не?
Байқау ҰБТ – нәтижесі байқау рейтингінің кестесіне жазылып есептелетін тестілеу. Қатысушы тек 3 Байқау ҰБТ тапсыра алады. Байқау ҰБТ-ны өту 5 рет сынақ ҰБТ тапсырғаннан кейін ғана мүмкін болады.
Байқауда қанша жеңімпаз болады?
Онлайн кезеңінде мерзімаралық жеңімпаздарды марапаттау қарастырылған – әр мерзімде 3 жеңімпаз болады. Сондай-ақ онлайн кезеңінің қорытындысы бойынша байқау рейтингінің үздік 50 қатысушысы марапатталады және екінші кезеңге қатысып, бас жүлде үшін бағын сынап көруге мүмкіндік алады.
Байқау жеңімпазы қалай анықталады?
Байқаудың қорытынды рейтинг жеңімпаздары 3 Байқау ҰБТ-ның орташа балының нәтижесі бойынша анықталады. Нәтижелер теңдей болған жағдайда 3 Байқау ҰБТ-ны тапсыруға жұмсалған орташа уақыт есепке алынады.
Мерзім жеңімпаздары қалай анықталады?
Рейтингі жоғары 3 қатысушы әр мерзімнің жеңімпазы атанады. Белгіленген мерзім жеңімпаздары мерзіміне сәйкес Байқау ҰБТ-ның жоғары балл нәтижелері бойынша анықталады: - Бірінші мерзім – №1 Байқау ҰБТ; - Екінші мерзім – №2 Байқау ҰБТ; - Үшінші мерзім – №3 Байқау ҰБТ.
Жеңімпаздар қашан жарияланады?
Байқаудың қорытындысы 2019 жылдың 21 маусымында bilimland.kz сайтында және әлеуметтік желілердегі парақшаларымызда жарияланады.
Ұтып алған сыйлығымды қалай ала аламын?
Егер сауалнаманы дұрыс толтырсаңыз, сізбен байланысуымыз жеңілдеп, сыйлықты жіберу оңай болады. Сыйлық пошта арқылы жіберіледі.
Байқауға қатысу