Жұмыс және еңбек өнімділігіне арналған есептер

Екі кран бірлесіп баржанын жүгін 6 сағатта түсіреді, егер әр кран жеке жұмыс істегенде, біріншісі екіншісінен 5 сағат бұрын түсіретін болса, онда әр кран баржаны қанша уақытта түсіреді?

Жұмыс күні 8 сағаттан 7 сағатқа азайтылды. Бұрынғы жалақы 5%–ке өсу үшін еңбек өнімділігін неше процентке көтеру керек?

Бір жұмысшы өзінің нормасын 6 сағ-та, екіншісі 5 сағ-та, үшіншісі 4 сағ-та орындайды. Олар белгілі бір уақыт бірге жұмыс істеп 740 тетік дайындады. Әрқайсысы қанша тетік әзірледі?

Гаражда 54 жүргізуші бар. Егер әр күні гараждағы 60 машинаның 25%-і жұмысқа шықпай қалса, онда бір айда (30күн) әр жүргізушінің неше бос күні болады?

Екі жұмысшы бір сменада 72 тетік дайындайды. Біріншісі еңбек өнімділігін 15% -ке, екіншісі 25% -ке арттырғаннан кейін бір сменада 86 тетік жасайтын болады. Еңбек өнімділігін арттырғаннан кейін әрқайсысы бір сменада қанша тетік жасайтын болды?

Ағаш дайындау жұмысына үш топ қатысты. Бірінші топта барлық жұмысшылардың 36% бөлігі, ал екінші топта біріншіге қарағанда 72 адам артық болды. Қалған 124 адам үшінші топта еді. Үш топта барлығы қанша адам бар?

Берілген тапсырманы бірінші жұмысшы 3 сағ-та, ал екінші жұмысшы 6 сағ-та бітіреді. Бірлесе жұмыс істесе неше сағатта орындайды?

Екі құрбы бірлесіп бөлмені 6 сағатта жинайды. Егер әрқайсысы жеке жинаса, біріншісі екіншісінен 5 сағат бұрын жинап бітеді. Әр құрбы жеке-жеке істесе, бөлмені қанша сағатта жинай алатынын анықтаңыз.

Екі бала бірлесіп бақшаны 6 сағатта арамшөптен тазартады. Егер әрқайсысы жеке істесе, біріншісі екіншісінен 5 сағат ерте арамшөптен тазарта алады. Әр бала жеке-жеке істесе, бақшаны қанша сағатта арамшөптен тазарта алатынын табыңыз.

Жалғыз істесе, Шыңғыс жұмыстың \(80\%\)-ын \(5\) сағатта, ал Мәди жұмыстың \(3/4\)-ін \(6\) сағатта бітіре алады. Шыңғыс басында \(2\) сағат жұмысты жалғыз істеді, сосын оған сағат \(14^{\underline{15}}\)-те Мәди көмектесе бастады. Олар жұмысты қашан бітіреді?

8 сағаттық жұмысты 6 сағатта бітіріп, 20%-ке артық табыс табу үшін жұмысшы өз еңбегінің өнімділігін қанша пайызға (х) арттыру керек?