Үстеу/Adverbs: жасалуы, шырайлары, қолданылуы.

Үстеу – қимыл, іс-әрекеттің жай-күйін, мекенін, мезгілін, мөлшерін, мақсатын тағы басқа белгілерін білдіретін сөз табы. Үстеу how?, where?, when?, why? деген сұрақтарға жауап береді. Мысалы:

He always comes early.

She walked slowly.

Құрамы жағынан үстеу негізгі және туынды болып бөлінеді.

Негізгі үстеудің арнайы жұрнақтары жоқ. Мысалы: Often, very, quick, slow т.с.с.

Туынды үстеу- сын есімнен –ly жұрнағы арқылы жасалынады, мысалы: quickly, slowly, brightly т.с.с.

Үстеу мағынасына қарай 6 топқа бөлінеді.

• Мекен үстеу (here, there, where, inside, outside т.б)

• Мезгіл үстеу (late, early, today, tomorrow, now т.б )

• Мөлшер үстеу (very, nearly, much, little, quite т.б)

• Қимыл-сын үстеу (well, badly, quickly, slowly, hard т.б)

• Қайталау үстеу (twice, often, never, always, once, usually т.б)

• Сенімділік үстеу (certainly, surely, definitely, clearly т.б)

Үстеудің сын есім сияқты 3 шырай категориясы бар.

- Жай шырай

- Салыстырмалы шырай

- Күшейтпелі шырай

Үстеулердің салыстырмалы шырайы –er жұрнағы арқылы, ал күшейтпелі шырайлары - est жұрнағы арқылы жасалынады.

Fast – faster – fastest

Early- earlier - earliest

Үстеулер шырайларының – ly жұрнағы арқылы жасалған үстеулер алдына more және most сөздерін қолдану арқылы жасалынады.

Bravely – more bravely- most bravely

Correctly - more correctly – most correctly

Late, hard, soon, fast, near үстеулері шырай категорияларын өздеріне ұқсас сын есімдердің формаларын жасау амалдарына сәйкес келеді.

Near –nearer –nearest

Ерекше жасалынатын үстеулер:

Well – better –the best

Badly –worse –the worst

Little – less—the least

Much-more-the most

Far-farther-the farthest

Cөйлемде үстеу пысықтауыштың қызметін атқарады. Сын есімді анықтайтын үстеулер сөздің алдына келеді.