Толық ҰБТ тапсыру
Қазақша

iTest қолданбасын жүктеп алу

Мектеп емтихандарына ыңғайлырақ форматта дайындалыңыз

Сөйлем. Сөйлем түрлері: хабарлы, сұраулы, лепті, бұйрықты сөйлемдер, тыныс белгісі

Конспект

Сөйлем дегеніміз – әр алуан сөздердің өзара тіркесіп келіп, тиянақталған ойды білдіруі. Олардың құрамы да түрлі болады. Сөйлемді жеке сөз немесе сөз тіркестері құрайды.

 

Сөйлем болу үшін, оның грамматикалық негізі, яғни тұрлаулы мүшелері болу керек.

 

Сөйлем құрамына қарай жай сөйлем және құрмалас сөйлем болып бөлінеді. Жай сөйлемде бастауыш та, баяндауыш та біреу болып, тиянақталған бір ғана ойды білдіреді. Мысалы, Тілек пен Әлішер аулада ойнап жүр. Ал құрмалас сөйлем күрделі ойды білдіреді. Мысалы, Күз айы басталып, жер бетін сары ала жапырақ жапты. Сөйлем интонациясына, айтылу мақсатына қарай хабарлы, сұраулы, лепті, бұйрықты сөйлем болып төртке бөлінеді.

 

Белгілі бір оқиға, құбылыс, іс-әрекет туралы хабарлау, баяндау, суреттеу мақсатында айтылған сөйлем хабарлы сөйлем деп аталады.

 

Хабарлы сөйлемге тән негізгі белгілер: 1) хабарлау, баяндау, суреттеу мақсатында айтылады; 2) белгілі бір шаққа қатысты болады (өткен шақ, осы шақ, келер шақ); 3) айтушының іс-әрекетке көзқарасын, ой-пікірін білдіреді; 4) хабарлы сөйлемде дауыс ырғағы бірте-бірте көтеріліп, соңына қарай бәсеңдейді; 5) хабарлы сөйлемнен соң нүкте қойылады.

 

Бір нәрсе жайында сұрап білу мақсатында айтылған сөйлем сұраулы сөйлем деп аталады.

 

Сұраулы сөйлемге тән негізгі белгілер: 1) бір нәрсе жайында сұрап білу мақсатында айтылады; 2) сұрау есімдіктерінен және ма, ме, ба, бе, па, пе, ше (мы, мі, бы, бі, пы, пі, ші) сұраулық демеулік шылауларының қатысуымен жасалады; 3) сұраулы сөйлемнің өзіне тән интонациясы болады: бас жағы көтеріңкі айтылып, соңғы жағы бәсеңдемей, көтеріңкі қалыппен аяқталады; 4) сұраулы сөйлемнен соң сұрау белгісі қойылады.

 

Сұраулы сөйлемдер негізгі сұрақты, жетек сұрақты, анықтауыш сұрақты болып бөлінеді.

 

Негізгі сұрақты сұраулы сөйлем – бір нәрсе, оқиға, іс туралы мәлімет алу үшін қойылған бастапқы сұрақты сөйлем. Мысалы: Бізбен бірге саяхатқа барасың ба? Қазақтың қандай ұлттық аспаптарын білесің? Балаңыз мектепті қашан бітірген? Бұл сөзбен не айтпақсыз?

 

Негізгі сұрақ сұрау есімдіктерінен және ма, ме, ба, бе, па, пе, ше шылауларының қатысуымен жасалады.

 

Жетек сұрақты сұраулы сөйлем негізгі сұраққа жауап алу үстінде қосымша туған ойға байланысты сөйлем. Мысалы,

Іссапарға кімдер барады?

Жас қызметкерлер барады.

Біздер ше?

 

Жетек сұрақты сөйлем толымсыз болып құралады, көбіне тек сұрақ мағыналы сөзден ғана тұрады. Жетек сұрақ ше шылауының қатысуымен жасалады.

 

Анықтауыш сұрақты сөйлем екінші жақтың сөзін анықтап алу үшін қойылған сұрақты сөйлем. Мысалы,

Бұл ойды кім айтты?

Тілек айтты.

Тілек?

Иә, Тілек.

 

Айтушының түрлі көңіл күйін білдіру мақсатында айтылған сөйлем лепті сөйлем деп аталады.

 

Лепті сөйлемге тән негізгі белгілер: 1) айтушының түрлі көңіл күйін білдіру мақсатында айтылады: күйіну, таңдану, өкіну, сұқтану, сүйсіну, қорқу, қуану, қапалану, наразылық білдіргенде, т.б. 2) лепті сөйлем ерекше эмоциямен, сезіммен айтылады.

 

Лепті сөйлемнің жасалу жолдары:

1) сөйлемнің етістік формалары арқылы. Мысалы, Көзі мұндай өткір болар ма!

2) сөйлем -ақ, -ау, ғой, -ай шылауларының қатысуымен жасалады. Мысалы, Балам, қонақтарға бір күй тартып бере ғой! Қарағым-ай, қатты тоңып қалыпсың-ау!

3) көңіл күйді білдіретін одағай сөздердің қатысуымен жасалады. Мысалы, Пай-пай, дауыс деп осыны айт! Уһ, жеттім ғой ақыры!

4) Лепті сөйлемдерден соң леп белгісі қойылады.

Біреуге бұйыру не талап ету мақсатында айтылған сөйлем бұйрықты сөйлем деп аталады.

 

Бұйрықты сөйлемге тән негізгі белгілер:

1) біреуге бұйыру, талап ету мақсатында айтылады; 2) бұйрықты сөйлем етістіктің бұйрық райының 2, 3-жағында айтылады; 3) бұйрық не шартты райға -шы, -ші жұрнағының жалғануы арқылы жасалады;

4) бұйрықты сөйлемнен соң нүкте немесе леп белгісі қойылады.

 

Сөйлемнің айтылу мақсатына қарай түрлері

 

СӨЙЛЕМ ТҮРЛЕРІ

ХАБАРЛЫ

СӨЙЛЕМ

СҰРАУЛЫ

СӨЙЛЕМ

ЛЕПТІ

СӨЙЛЕМ

БҰЙРЫҚТЫ

СӨЙЛЕМ

Тоғай да бұл кезде кемеліне келіп толықсып тұрады.

«Есіл тасып барады» деген әнді естіп пе едің?

Шіркін, қарақат, тәтті де сұлу жеміс қой!

Атаның баласы болма, адамның баласы бол.

 



Сұрақтар
  1. Айтылу мақсатына қарай бөлінетін сөйлем атауын табыңыз.

  2. Лепті сөйлемді табыңыз.

  3. Лепті сөйлемді анықтаңыз.

  4. Бұйрықты сөйлемді көрсетіңіз.

  5. Сөйлемді анықтаңыз.

  6. Сұраулы сөйлемді анықтаңыз.

  7. Сұраулы сөйлемді көрсетіңіз.

  8. Хабарлы сөйлемнің ерекшелігін белгілеңіз.

  9. Хабарлы сөйлемге берілген анықтаманы көрсетіңіз.

  10. Сөйлемге жатпайтын қатарды табыңыз.

  11. Хабарлы сөйлемді табыңыз.

  12. Одағай арқылы жасалған лепті сөйлемді анықтаңыз.

  13. Сөйлем түрін анықтаңыз.

    Үйден шықпаңдар!

  14. Сөйлемнің айтылу мақсатына қарай түрін көрсетіңіз.

  15. Сұраулы сөйлемді табыңыз.

  16. Сөйлемнің айтылу мақсатына қарай неше түрге бөлінетінін көрсетіңіз.

  17. Лепті сөйлемді табыңыз.

  18. Қуану, ренжу, аяу, кекету мақсатында айтылатын сөйлем түрін көрсетіңіз.

  19. Бұйрықты сөйлемді табыңыз.

  20. Бұйрықты сөйлемге тән анықтаманы көрсетіңіз.

  21. Хабарлы сөйлемнің анықтамасын белгілеңіз.

  22. Сұраулы сөйлемді табыңыз.

  23. Хабарлы сөйлемді табыңыз.

  24. Лепті сөйлемді табыңыз.

  25. Одағай сөз қатысқан лепті сөйлемді көрсетіңіз.

  26. Сұраулық шылау арқылы жасалған сұраулы сөйлемді табыңыз.

  27. Бұйрықты сөйлемді табыңыз.

  28. Лепті сөйлемді табыңыз.

  29. Хабарлы сөйлемді табыңыз.

  30. Сұраулы сөйлем болатын қатарды табыңыз.

  31. Лепті сөйлемге жатпайтын қатарды табыңыз.

  32. Лепті сөйлемді табыңыз.

  33. Хабарлы сөйлемді табыңыз.

  34. Бұйрықты сөйлемді табыңыз.

  35. Адамның көңіл күйін білдіретін сөйлемді қалай атайтынын көрсетіңіз.

  36. Сұраулы сөйлемді табыңыз.

  37. Қай сөздер лепті сөйлем жасауға қатысатынын көрсетіңіз.

  38. Сұраулы сөйлем жасайтын қатарды белгілеңіз.

  39. Хабарлы сөйлемді табыңыз.

  40. Сөйлемнің айтылу мақсатына қарай бөлінуін табыңыз.

  41. Айтылу мақсатына қарай бөлінетін сөйлем атауын табыңыз.

  42. Сөйлемге жатпайтын қатарды табыңыз.

  43. Біршама тиянақты ойды білдіретін синтаксистік бірліктің не екенін анықтаңыз.

  44. Хабарлы сөйлемді анықтаңыз.

  45. Бұйрықты сөйлемді көрсетіңіз.

  46. Лепті сөйлемді көрсетіңіз.

  47. Сұраулы сөйлем білдіретін сұрақ (-тар)

  48. Риторикалық сұраулы сөйлем (-дер)

  49. Жалаң сөйлем (-дер)

  50. Бұйрықты сөйлем (-дер)

  51. Бұйрықты сөйлем (-дер)

Қате туралы хабарландыру