+7 (727) 344 95 95
Толық ҰБТ тапсыру
Қазақша

iTest қолданбасын жүктеп алу

Мектеп емтихандарына ыңғайлырақ форматта дайындалыңыз

logo-device logotype logotype-float

Оң және теріс сандар
Алдыңғы конспект Келесі конспект
Конспект

«+» таңбасымен жазылған сандар оң сандар деп аталады. Мысалы, + 4973, + 2 – оң сандар.

«–» таңбасымен жазылған сандар теріс сандар деп аталады. Мысалы,

–2210, –3 – теріс сандар.

0 (нөл) саны оң санға да, теріс санға да жатпайды.

Егер берілген өрнекте оң сан бірінші орында немесе жеке жазылса, оның алдына «+» таңбасы қойылмайды.

Мысалы,

+3а – 7,5 = 3а – 7,5

+4,5; +0,7 орнына 4,5; 7 деп жазылады.

Егер өрнектерде теріс санның алдында қосу, көбейту, бөлу, азайту амалдары болса, онда теріс сан жақшаға алынып жазылады.

Мысалы, 9 + (–7), 8 : (–2), 6 · (–3), 7 – (–6), т.с.с.

Координаталық түзу дегеніміз санақ басы болатын О нүктесі және бірлік кесінділерге бөлінген, оң бағыты көрсетілген түзу.

Координаталық түзуде 0 (нөл) саны санақ басы О нүктесіне сәйкес келеді.

Координаталық түзуде санақ басынан оңға қарай оң бағыт деп атайды, онда бірлік кесінділер қатар-қатар салынады, бірінші кесінді ұшы 1, екінші кесінді ұшы 2, т.с.с.

Координаталық түзуде оң бағытқа қарама-қарсы бағытты теріс бағыт деп атайды. Онда теріс сандар кескінделеді.



Сұрақтар

  1. 5 – сыныптың 5 оқушысы бір-бірімен қол алысып сәлемдесті. Олардың сәлемдесу саны қанша болды?

  2. А (– 2) және В (1) нүктелері берілген. А нүктесі В және С нүктелерінен бірдей қашықтықта. С нүктесінің координатасын табыңыз.

  3. «Тынық мұхитындағы Мариан шұңғымасының тереңдігі 11 022 м». Мариан шұңғымасының тереңдігін санмен өрнектеңіз.

  4. «Байкал көлінің тереңдігі 1620 м» осы шаманы оң немесе теріс сан арқылы өрнектеңіз.

  5. Трамвайдың аялдамаға қатысты орнын оң немесе теріс санмен жазыңыз: «Трамвайдың аялдамаға келуіне 57 м қалды».

  6. Шамаларды оң немесе теріс санмен өрнектеңіз: «Олар ойынды 2 ұпай ұтыспен аяқтады»

  7. Аталған мерзімдегі ауа температурасын «+» немесе «–» таңбасымен көрсетіңіз. «Күндіз 3\(^\circ\) жылы, түнде 4\(^\circ\) суық».

  8. А(– 3) және В(4) нүктелерінің арақашықтығын бірлік кесінді бойынша табыңыз.

  9. Координаталық түзу бойында А(– 3) және В(2) нүктелері көрсетілген. АВ арақашықтығын бірлік кесіндімен көрсетіңіз.

  10. Координаталық түзудегі А(– 6) және В(2) нүктелерінен бірдей қашықтықтағы нүктенің координатасын табыңыз.

  11. Мұз температурасы – 20\(^\circ\). Ауа температурасы тағы да -3\(^\circ\)С-қа суыса, оның температурасы қанша болады?

Қате туралы хабарландыру